ازاى تجهز للايلتس فى اسبوعين وتجيب Score عالى

11111111

اولا..التعرف على نظام الامتحان وشكل الاسئلة (8 ايام)

اول حاجه عملتها انى شوفت الكورس المجانى بتاع edx الخاص بالايلتس و كل موديول فيه خد معايا يومين تقريبا بس اللى متفرغ تماما يقدر يخلصه اسرع ..مع العلم انى اكتشفت فى نص الكورس ان كتير 

من ال activities اوال tasks اللى ف الكورس ملهاش لازمة فحاول ت skip الحاجات اللى ف الكورس اللى هتلاقيها بتضيع وقتك واهتم اكتر بالvideos و ال practice tests اللى ف اخر كل موديول ف الكورس ..ومبدأيا هدف الكورس الاساسى من وجهة نظرى مش انه يأهلك مباشرة للامتحان لكن انه يعرفك تفاصيل كل جزء فالامتحان والنصائح الخاصة بيه اللى يفضل انك تطبقها وانت بتمتحن وانك تبقى familiar مع نظام الامتحان لكن الكورس لوحده مش كفاية ابدا انك تدخل بعده الامتحان علطول .
لينك الكورس:
goo.gl/WHIlyk
الكورس موجود برضه على اليوتيوب من اللينك ده
https://goo.gl/QKvuQW

ثانيا>>>>>حل ال Modules بشكل منفرد (4 ايام)

تانى حاجه بعد ما خلصت الكورس وعرفت كويس نظام كل موديول وشكل الاسئلة بتاعته وحليت ال practice tests اللى ف اخر كل موديول بدات بعد كده احل practice tests على كل جزء لوحده من امتحانات حقيقية بمعنى انى يوم مثلا احللى امتحانين listening وامتحانين reading و يوم احل امتحانات writing و speaking لوحدها و هكذا ...نيجى للمصادر اللى هتجيب منها الامتحانات دى :
-اول حاجه ال Free Practice Tests بتاع ال British Council ودول عبارة عن امتحان ف كل موديول...ومهم جدا وانت بتحل على كل موديول انك تخلصه ف الوقت المحدد فحاول تحل بال timer...وملحوظة تانية : لو تقدر تطبع الامتحانات دى وتحلها بالقلم الرصاص يبقى افضل بكتير..وجزء ال listening اعمل للتراك داونلود و شغله وقت ما تبقى جاهز تحسبا لاى مشكلة ف النت تعطلك التراك وهو شغال وحاول متوقفش التراك ابدا وانت بتمتحن عشان تحاكى الامتحان الحقيقى).

هتلاقوهم امتحان ال British Council فى اللينك ده:
https://goo.gl/MSYoPO

بعد كده لقيت ويبسايت عليه حوالى 60 امتحان حقيقى للايلتس من اللى الناس امتحنتهم قبل كده ومقسم امتحان كل موديول لوحده..مهم انك تخش الامتحان وانت حالل منهم 10 ع الاقل ....الويبسايت مظبط الامتحانات دى على انك تحلها اونلاين فانت نزل امتحان كل موديول لوحدة و ظبطه على الطباعة على ال word واطبع الامتحانات دى ونزل التراكات بتاعتها وابدا حل على كل موديول لوحده بالتايمر لحد قبل الامتحان بيومين .

ده الويبسايت اللى عليه الامتحانات (ابدأ بالامتحانات الاحدث):
https://goo.gl/8R5uN9

ثالثا>>>حل امتحانات كاملة بدون بريك (اخر يومين قبل الامتحان)

قبل الامتحان بيومين حاول تفضى نفسك 6 ساعات كل يوم ع الاقل وابدا جهز ع الاقل 4 امتحانات كاملة مطبوعين مش اونلاين(من الويبسايت اللى اتكلمنا عليه فوق) وحل ف اليوم ع الاقل 2 وكل واحد ف الوقت بتاعه (3 ساعات) بدون اى بريك فى وسط الموديولات لان الامتحان الحقيقى مفهوش بريك خالص بين كل موديول....بعد ما تخلص كل امتحان على بعضه ابدأ صحح كل موديول من نماذج الاجابة الموجودة مع كل امتحان ..وهتلاحظ بعد حل بتاع 10 امتحانات كده ان ليك average معين ف ال listening وال reading غالبا ده هيبقى درجتك الحقيقة لما تمتحن ...بالنسبة لجزء ال speaking و ال writing و لانهم ملهمش اجابة محددة فهنتكلم عن كل واحد فيهم لوحده و ازاى تجهز ليه كويس و تقيم نفسك.
----------------------------------------
1- موديول ال Speaking :

ده بيبقى عبارة عن من 12 ل 14 دقيقة بتتناقش فيهم مع Examiner وبيسالك اسئلة وبترد عليه ...بيتكون من 3 sections ....اول سيكشن بيبقى اسئلة عامة عنك وعن شغلك وسكنك وهواياتك وهكذا ..وبيبقى اسهل جزء ويعتبر بتدخل متمرن عليه كويس لان بنسبه كبيرة مفهوش مفاجئات او اسئلة صعبة وده مدته حوالى 4 دقايق ....تانى سيكشن اسمه individual long turn ومن اسمه هو عباره عن ورقة بتاخدها من ال examiner فيها تاسك او موضوع مفروض تتكلم عنه فى مدة من دقيقة ل 2 بدون توقف وبيبقى ليك دقيقة تفكر فى الاجابة وتاخد notes بعد ما تاخد الورقة اللى فيها السؤال بعدها تبدأ الكلام....مهم انك تعرف تألف موقف واشخاص وترسم سيناريوهات من خيالك بسرعة و تتكلم عنهم بالتفصيل ف دقيقتين ..مثال : اتكلم عن كتاب قريته وعجبك ومين مؤلفه واستفدت منه ايه واشتريته منين ...لازم ف دقيقة تكون جهزت هتقول ايه بالظبط ...اخر جزء بيبقى اساله عامة على الجزء اللى فات ..يعنى مثلا لو اتسالت السؤال اللى فات هييجى ف السيكشن التالت يقولك قول رايك فى القراءة وهل بتعتبرها عادة كويسة على المدى البعيد وهل ليها تاثير على المسار الوظيفى للاشخاص وهكذا .(هتعرف التفاصيل كلها لما تشوف الكورس بتاع edx).

بما ان معظم الموجود مع الامتحانات اللى ع النت هى عبارة عن اسئلة مكتوبة لل speaking فانا لقيت ان افضل طريقة للتمرين على الجزء ده هى فيديوهات اليوتيوب للناس اللى بتمتحن والسكور اللى بياخدوه ...افتح الفيديوهات دى واسمع الexaminer وهو بيسال وبعدين وقف وحاول تجاوب وبعد كده شغل وشوف اجابه الشخص اللى بيمتحن ف الفيديو و قيم نفسك بالنسباله وهكذا .
امثلة لفيديوهات امتحانات (الامتحان الحقيقى بيبقى كده بالظبط):
https://goo.gl/7oAQk4
https://goo.gl/wvzC4z
https://goo.gl/Jz9ubM
https://goo.gl/uhIzr8
https://goo.gl/zWsvJK
------------------------------------------------------

2-موديول ال Writing :
بيبقى عبارة عن 2 tasks ..اول واحدة بيبقى عليها 1/3 ال score وبتبقى عبارة عن رسم بيانى او خريطة واشكال تانية هتعرفوها من الكورس ..بيطلب منك توصف وتلخص اللى موجود ف الشكل ده فى 150 كلمه (مهم تدرب على عد الكلمات من عدد السطور على حسب خطك وانت بتحل امتحانات عشان تنجز ف وقت الامتحان) ..والتاسك التانية بيديك جملة عن موضوع ما ويطلب منك تكتب رايك عنه او العيوب والمزايا فى 250 كلمة وبيبقى عليه 2/3 ال score ومدة الموديول كله ساعة و مفروض اول جزء بتخلصه ف 20 دقيقة و التانى ف باقى الوقت.

ده اكتر جزء ف الامتحان محتاج تدريب و methodology فى الحل و اكتر موديول كنت قلقان منه لان ده اكتر جزء بيقع فيه score اللى بيمتحنوا يعنى تلاقى واحد جايب توتال 8 وجايب 6 او 5 فى الwriting وامثلة تانية كتير ... دى حاجه مكنتش اعرف سببها لحد ما دورت شوية فى امتحانات Writing ونماذج لناس جايبه 6 و 7 و8 والفرق بينهم والغلطات اللى وقع فيها كل واحد...ومن الكورس كمان عرفت ازاى انظم الكتابة ف paragraphs وابداها ازاى و أ link ال paragraphs ببعضها ازاى وطريقة تقييم الموديول ده ودى هتعرفوها من الكورس بالتفصيل.

دى نماذج الحلول اللى اتكملنا عليها :
نماذج لحلول ناس جايبه 6 ف ال writing والاخطاء اللى وقعوا فيها
https://goo.gl/JtvnTD
نماذج لناس جايبه 7
https://goo.gl/wkVdXr
نماذج لناس جايبه 8
https://goo.gl/j7Prml

وده شيت الاجابة اللى هتطبعة وهتكتب فيه وانت بتحل امتحانات وهو زى اللى ف الامتحان الحقيقى :
http://www.mediafire.com/…/general-writing-answer-sheet-tas…
----------------------------------------------------------------

3-موديول ال Listening :
بيبقى عبارة عن 40 سؤال ف ورقة ..بيشتغل تراك مرة واحدة لمدة نص ساعة وبتسمعه وبتجاوب على الاسئلة بالترتيب فى ورقة الاسئلة ولما بيخلص بيبقى ليك 10 دقايق تنقل فيهم الاجابات ف شيت اجابة (موجود ف اللينك ده عشان لما تحل امتحانات تجرب تنقل فيه ف ال10 دقايق ):

http://www.mediafire.com/…/p3svqm4qr2zqm8u/Blank_Answer+She…
----------------------------------------------------------

4-موديول ال Reading :

عبارة عن 3 Articles او مقالات علمية طولها تقريبا 2500 كلمه ..بعد كل قطعة فيه حوالى 12-14 سؤال عليها ...بتجاوب فى ال Answer Sheet مباشرة والامتحان شغال (مفيش وقت تنقل زى ال Listening) ..والشيت ده عامل زى بتاع ال listening بالظبط فممكن تطبع بتاع ال listening وتدرب على الحل فيه ...مدة الموديول ده ساعة.

اهم نصيحة للجزء ده انك متقراش القطع الاول وبعدين تشوف الاسئلة لانك كده مش هتلحق ...الطريقة الافضل تقرا الاسئلة وتطلع منها Keywords بعدين ترجع للقطعة تدور على ال Keywords دى ولما تلاقيها تقرا حواليها تلاقى الاجابة ودى طريقة اسمها Scanning and Skimming..وهتعرف تفاصيل اكتر ف الكورس.

--------------------------------------------------------------------------------------
******************************حجز الامتحان *********************

فى مكانين فى مصر ممكن تحجز وتمتحن فيهم لل IELTS :

1- IDP :
ده اللى انا حجزت فيه ...اول حاجه عملت اكونت على الويبسايت بتاعهم وبعدين شوفت المعاد والسنتر المناسب ليا ومليت بيانات الحجز ..بعد كده ممكن تدفع اونلاين بالكريدت وهيكلفك تمن الامتحان بالدولار بسعر العملة النهاردة حوالى 2100 جنيه ..الحل التانى انك بعد ما تملى بيانات الحجز تروح تدفع ف مكتب IDP نفسه ب 1950 جنيه(سعر ثابت)(تحديث :السعر بقى 2150 زى ال British council) بعد كده هيأكدوا عليك اونلاين ع الميل وهيبعتولك لييك لموقع عليه كورس مدفوع لموديولز الايلتس هيديك منهم 1 مجانا ..شوف اضعف موديول عندك واختاره.

لو بتمتحن ال IELTS عشان تقدم ف جامعة معينة ممكن تختارها ف الابليكيشن وهيبعتولها النتيجة علطول بعد ما تظهر.

لينك الحجز ف IDP والاماكن والمواعيد المتاحة:
https://goo.gl/L6w8sA
-------------------------------
2-British Council :
تكلفة الامتحان فيه 2150 جنيه ..وده لينك الحجز والمواعيد والاماكن المتاحة:
https://goo.gl/YuICGj

*مفيش فرق فى حاجه بين المكانين غير ف التكلفة و الفروع بتاعتهم والاتنين معتمدين وطريقة الامتحان فيهم واحدة.

النتيجة بتبان بعد 13 يوم بالظبط ...لو حاجز ف ال British council هيتبعتلك SMS بالنتيجة وممكن تشوفها ع الويبسايت بتاعهم ..لو حاجز ف IDP بتبان على الويبسايت ده :
https://goo.gl/Iqny6t
وبعدها تقدر تاخد ال document الرسمى بتاع النتيجة اللى اسمه TRF من المكتب الرئيسى اللى انت حاجز فيه (بيطلع نسخة واحدة بس ملهاش Replacement لو ضاعت) .

**نتيجة الامتحان صالحة لمدة سنتين.
-------------------------------------------------------------------------------------
*************نصائح عامة ملهاش علاقة بمحتوى الامتحان************
-مهم انك تروح وانت نايم قبلها كويس جدا عشان التركيز اهم حاجه ف الامتحان
-لازم تتاكد انك واخد معاك ال ID او ال Passport اللى حجزت بيه وتتاكد وانت بتحجز انه هيبقى valid لحد يوم الامتحان.
-يوم الامتحان لازم تروح بدرى نص ساعة ع الاقل عشان بيبقى فى اجراءات قبل الامتحان بتاخد وقت.
-بعد الحجز تابع الميل باستمرار خاصة قبل الامتحان ب 3 ايام لان هيتبعتلك معاد ووقت الامتحان بالظبط والعنوان ..وكمان معاد ال speaking لانه ممكن يبقى اليوم اللى قبل او اللى بعد او نفس يوم الامتحان.
-------------------------------------------------------------------------------------

اخر حاجه..الايلتس معتمد اكتر انك تكون فاهم نظام الامتحان والاسئلة اكتر من اتقانك للانجلش ..يعنى لو انت كويس اوى ف الانجلش واكتفيت بكده ودخلت هتتفاجىء بنظام الاسئلة اللى محتاج تتمرن عليه وهتضيع وقت كتير وسكورك هيقع ..فالخلاصة حاول تحل امتحانات على قد ما تقدر (من تجربتى مش اقل من 10 ) و ربنا يوفق الجميع.