الأدوات الأساسيه اللي بتساعدك على انك تخطط رحلتك صح

11111111

امبارح كنا اتكلمنا على الجزء الأول من الأدوات الأساسيه اللي بتساعدك على انك تخطط رحلتك صح
النهارده برضو هنتكلم ولكن على مجموعة ادوات تانيه

٦- من اعظم المواقع بقى اللي اتعاملت معاها حقيقة هو موقع بالعربي اسمه ( مجتمع ترانزيت )
https://transit.travel
حاجه بسيطه جدا وجميله جدا
بتخش عليه بتختار البلد اللي انت رايحها بيفتحلك صفحه بتلاقي فيها اسئله محدده من الناس واجابه كل سؤال برضو بشكل محدد
وطبعا تقدر انت كمان تسأل سؤال او تجاوب على سؤال
هو فعلا موقع عظيم وبرضو ليه ابلكيشن 😀

٧- طيب لنفترض انك حبيت تعرف لو انت عاوز تسافر من بلد لبلد ايه هي مواعيد القطارات والباصات والطيارات وهل فيه اصلا ولا لاء
كل اللي عليك انك تخش على الموقع ده
www.goeuro.com

٨- طيب انت دلوقتي خلاص ظبطت رحلتك وكله تمام
بس عاوزها تحطها في شكل خطه منظمه بسيطه وترتبها بالمواعيد وكل حاجه يبقى عليك وعلى موقع
www.tripit.com

٩- طيب اهم حاجه بقى واخر حاجه في الجزء ده هو انك تعرف ان كل بلد وكل مدينه بيكون ليها موقع على الانترنت غالبا وبيكون عليه تفاصيل كتييير جدا، ممكن تنزل من عليه خرايط المترو واسعار التيكيت وحاجات تانيه كتير جدا
لازم تخلي المواقع دي قدام عينك برضو طول الوقت 😁

نكتفي بهذا القدر اليوم ونشوفكم على خير في لقاء تاني 👍