بالنسبة للناس الكتير اللي بتسألني عن البدائل المتاحة أمامهم عشان يستمتعوا بالحياة
بص يا سيد و يا ستي في أي موضوع او موقف بيواجهك انت ما قدمكش غير ٣ بدائل
للاختيار ما بينهم :
- تتقبله و تتعايش معاه
- تتركه و تشوف حل أخر
- تغيره من جواه
اختيارك لاي بديل بيعتمد علي عدة عوامل منها شخصيتك و طبيعتك و فكركك و رؤيتك و قدرتك علي الاختيار و اتخاذ القرار و الظروف و البيئة المحيطة بيك و النتيجة المترتبة علي اختيار البديل و تأثيره عليك و علي الآخرين و اهم عامل هو انت عاوز توصل لايه و تحقق ايه
كل بديل لازم يتقيم كويس من جميع الجوانب عشان الاختيار و القرار يكون صح
انا شخصيا من مؤيدي وجع ساعة و لا كل ساعة و عادة ما بيكون اختيار البديل الاصعب هو المجدي و الأريح علي المدي البعيد و هوا ده الأهم
Mohamed Kabil
ليست هناك تعليقات