القواعد ال 33 للفيس بوك

11111111

القواعد ال 33 للفيس بوك
1- متعملش اد لعيال ولا تعمل ادد لباباك ومامتك!
2- استقبل ريكويستات كاندى كرش بصدر رحب
3- كلنا عندنا الصاحب اللى خاربها بره الفيس وعامل شيخ على الفيس ... ريلاكس
4- متشتمش حد على الفيس

5- الفيس متراقب
6- خلى كلامك عام ... ارجع للنقطة السابقة
7- عدد سور القرأن 114 تطرح منهم سنك يطلع تاريخ ميلاك #معروفة
8- كلنا نعرف البنت اللى عندها جرب وديدان وعاملة الكفر فوتو(انا مبضيفش أولاد) ...ريلاكس
9- متعلقش على بوستات سياسية ..بلاهم
10- وقتك اهم من أنك تضيعه فى جدال سياسى هينتهى حتما بشتايم ...ارجع النقطة السابقة
11- اتصور سيلفى#السيلفى_حلو
12- صور العيال الفيتناميين فى الحرب الأمريكية بقت صور الضحايا فى بورما #Copy_URL
13- فى بنات أفارقه بيبعتوا فريند ريكويست .... احنا دولة افريقية أصلا
14- متشتمش حد على الفيس
15- اللى بيكتب ستاتس ويكتب أخرها #مقصودة أو #موجهة ... بيبقى غالبا معمول معاه الجلاشة ومش عارف يرد اعتباره فبيتصرف زى الست اللى بترمى كلام على جارتها
16- تعامل مع الأصابع الأربعة بمنتهى الهدوء ... أنت عندك مرارة واحدة
17- ايه تقييمك لأداء السيسى ؟ ممتاز طبعا ... ارجع للنقطة 5
18- شاهد صورتك بعد 20 سنة...طب اعرف مين زار بروفايلك.... طب شوف انت شبه مين من الممثلين .. ريلاكس
19- متعلقش على بوستات دينية
20- اللى يضايقك بلوك ... انت مش داخل تضايق نفسك
21- مشاكل الشغل مكانها مش الفيس .... مديرك هيعرف حتى لو مش عامله اد
22- حياتك الشخصية لو طلعت على الفيس ... شخصية هتموت
23- الفيس بوك عالم وهمى
24- اليوم السابع :"وفاة جثة فى تلاجة المشرحة"
25- جامل الناس... المجاملات ببلاش اصلا
26- الشهرين دول موسم تزاوج ذكر وأنثى المصرى ....هتبارك لناس كتير فحت
27- كلنا عندنا الصاحب اللى كان مطلع كارنيه الحزب الوطنى ومرة واحدة بقى ثورى وبعدها أسلم وبقى اخوان ودلوقتى بقى سيساوى .... ريلاكس
28- احنا أحسن من سوريا والعراق #حكيكة
29- البلد اللى معظمها ماشية شمال ...لما عبد الشافى اتصاب ملاقتش باك شمال #الاعجاز_العلمى_فى_الكورة ... فى 76 مشجع سنغالى شجعوا المنتخب المصرى لما عرفوا الحقيقة دى #زغلول_النجار_ستايل
30- فى ناس بتحب تقول هى حاسة بايه وبتعمل ايه وبتاكل ايه ... لايك ومتكسرش بخاطره
31- كلنا عندنا الصاحب اللى اشترى كاميرا "باناسونيك" وعمال يصور الشمس من سطوح بيتهم وبقى زعبولة فوتوجرافر ....ريلاكس
32- البنات احيانا بيكلموا بعض بصيغة المذكر ... عادى ...كمان البنات بيحبوا يقولوا مش أشرب مش أنام ..ميضرش...لكن لو طلعت من مذكر عرفه غلطه... التشبه بالنساء حرام أصلا
33- فى ناس لو صحيت الصبح ملقتش شبشب الحمام هيشتموا فى البلد والعيشة واللى عايشنها ويقولك انا خلاص ههاجر..أولا ادعيله يلاقى الشبشب...ثانيا هو حد كان مسك فيك بروح أمك؟....اه نسيت .... ريلاكس
#محدش_يسجل💪

Dr-Mostafa Bhiry