لو انت عندك طفل فى عمر 4-6 سنوات ، وربنا كرمك وأغناك من فضله وجبت ليه تاب يلعب أو يتعلم عليه ، يبقى لازم تدخل على صفحة شركة اسمها جاميفا وتحمل اكبر كمية تقدر عليها من التطبيقات
طبعا أنا واحد من الناس عمره ما اهتم ولا كتب ولا كان ليه علاقة بتعليم الأطفال ، بس بصراحة بحب أشجع اللعبة الحلوة ،
الشركة دى عاملة كمية تطبيقات وهم ، غير التطبيقات المتعارف عليها بتاعة تعليم الأرقام والحروف والفواكه والجمع والطرح ، عاملة تطبيقات علمية
تخيل طفل فى العمر ده بيعمل تجارب علمية وكيميائية وفيزيائية فيرشوال ، خطوة بخطوة ، تخيل عيل بيعمل عملية جراحية فى القلب ، تطبيقات بتعلمه ازاى يشتغل ميكانيكى ويصلح عربيات ، لو هو رجل اطفاء هيعمل ايه ، حتى فيه تطبيقات ماكياج وتجميل ،،، عشرات التطبيقات فعلا وممتازة وممتعة ،
العيب الوحيد طبعا ان كلها بالانجليزى ، بس بردو مفهومة لأنها للأطفال
ليست هناك تعليقات