بوابة الاتجاه : اسمحولى احكى لكم عن تجربتى الشخصيه من 4 سنين عن الفرق بين المستشفيات
الحكوميه و الخاص لان فيه زملاء كتير بيحتاروا فى الاختيار , اولا انا كنت
فى الكويت واشتغلت اختصاصى باطنه فى مستشفى خاص و بعدين حكومى و دى الفروق
اللى لاحظتها :
1-فى الحكومه انت مرتاح البال و لا يفرق معاك الدخل و لا كام حاله بتيحى ليك و لا ليك نسبه من الدخل اما الخاص فكانوا كل شهر يعملوا احصاء لعدد الحالات و الدخل اللى جابوا كل دكتور و طبعا ده بيمثل ضغط على الواحد
2- مرتبى فى الحكومه كان اقل 100 دينار و بدل السكن نفس القيمه و فى الخاص كنت باخد فى المتوسط نسبه 300 دينار فى الشهر يعنى الخاص احسن ب 400 دينار ( حوالى 10 الاف مصرى ) فى الشهر
3- فى الحكومه كان ليا 8 ايام نوبتجى اخلص العياده و اطلع السكن لتانى يوم الصبح وكان بيبقى يوم اسود لو مريض كح او هرش فى صباعه الصغير يتصلوا بي عشان اشوفه فى اى وقت و كتير ما كنتش بانام ليله النوبتجيه
4- فى الخاص كنت استدعاء 10 ايام فى الاسبوع لكن اطباء الطوارئ كانوا ممتازين و معاهم ماجستير كانوا يعملوا دخول للحاله ويكتبوا العلاج و بيلغونى بالتليفون بس و انا تانى يوم الصبح امر على الحاله و نادر ما كانوا يستدعونى للحاله لو فيها مشكله والحالات التعبانه كانوا بيحولوها على طول للحكومه
5- فى الحكومه جمعه و سبت اجازه فى الخاص السبت بس لكن النوبتجيتين بتوع الاسبوع بيضعوا قصادهم يوم السبت و المحصله عدد ساعات الشغل اكتر فى الحكومه
6 - لو كنت غاوى علم وعايز تتعلم عليك بالحكومه لان كان فيه مرور للقسم يوميا و مناقشه الحالات و اسئله من الاستشاريين وكل واحد بيقدم حاله فى الاسبوع و برغم انه ده كان ضغط كبير لكن بصراحه استفدت جدا لكن فى الخاص هاتنسى الطب لو ما قرايت من نفسك و تابعت الحديث اول باول
7 – رايي ان الحكومه استقرار و راحه بال و علم لكن الخاص مرتب اعلى و شغل اقل
8- التعميم مرفوض تماما لان دى تجربه شخصيه و الكويت غير السعوديه و مش كل الخاص او العام زى بعضه و اسف على الاطاله
mostafa.fawzy
1-فى الحكومه انت مرتاح البال و لا يفرق معاك الدخل و لا كام حاله بتيحى ليك و لا ليك نسبه من الدخل اما الخاص فكانوا كل شهر يعملوا احصاء لعدد الحالات و الدخل اللى جابوا كل دكتور و طبعا ده بيمثل ضغط على الواحد
2- مرتبى فى الحكومه كان اقل 100 دينار و بدل السكن نفس القيمه و فى الخاص كنت باخد فى المتوسط نسبه 300 دينار فى الشهر يعنى الخاص احسن ب 400 دينار ( حوالى 10 الاف مصرى ) فى الشهر
3- فى الحكومه كان ليا 8 ايام نوبتجى اخلص العياده و اطلع السكن لتانى يوم الصبح وكان بيبقى يوم اسود لو مريض كح او هرش فى صباعه الصغير يتصلوا بي عشان اشوفه فى اى وقت و كتير ما كنتش بانام ليله النوبتجيه
4- فى الخاص كنت استدعاء 10 ايام فى الاسبوع لكن اطباء الطوارئ كانوا ممتازين و معاهم ماجستير كانوا يعملوا دخول للحاله ويكتبوا العلاج و بيلغونى بالتليفون بس و انا تانى يوم الصبح امر على الحاله و نادر ما كانوا يستدعونى للحاله لو فيها مشكله والحالات التعبانه كانوا بيحولوها على طول للحكومه
5- فى الحكومه جمعه و سبت اجازه فى الخاص السبت بس لكن النوبتجيتين بتوع الاسبوع بيضعوا قصادهم يوم السبت و المحصله عدد ساعات الشغل اكتر فى الحكومه
6 - لو كنت غاوى علم وعايز تتعلم عليك بالحكومه لان كان فيه مرور للقسم يوميا و مناقشه الحالات و اسئله من الاستشاريين وكل واحد بيقدم حاله فى الاسبوع و برغم انه ده كان ضغط كبير لكن بصراحه استفدت جدا لكن فى الخاص هاتنسى الطب لو ما قرايت من نفسك و تابعت الحديث اول باول
7 – رايي ان الحكومه استقرار و راحه بال و علم لكن الخاص مرتب اعلى و شغل اقل
8- التعميم مرفوض تماما لان دى تجربه شخصيه و الكويت غير السعوديه و مش كل الخاص او العام زى بعضه و اسف على الاطاله
mostafa.fawzy
ليست هناك تعليقات