لو جايب أسرتك معاك من مصر وعاوز تطلع لهم اقامات لأول مرة إليك الخطوات بعد عناء ومآسي:
1)أول خطوة هتدخلوا من المطار تبصم حضرتك وزوجتك وتتصوروا ودى الصورة اللي هتطلع فى الاقامة المستقبلية
كل فرد فى الاسرة هيتكتب له رقم حدود ( رقم دخول) بجوار ختم الدخول من المطار (اللى هو المنفذ اللي حضرتك دخلت من خلاله المملكة)
2) هتروح شغلك تستلم العمل وكفيلك يعمل لك تأمين صحى ويطلع لك اقامتك.
3) تروح الجوازات تبصم انت وزوجتك وجميع الابناء مهما كان عمرهم وتتصوروا كلكم تاني.
ملحوظة: فيه تعميم ان مفيش بصمة للاطفال تحت سن 15 سنه. معلش امسحها فيا المرة دي............. الغباء له اشكال والوان وانت وحظك خد العيال معاك وبصمهم عشان ممكن تقع فى موظف يوقف الدنيا عشان بصمه وصورة العيال.
طب ما انا يصمت خلاص فى المطار؟؟؟؟ عارفة معلش ممكن يقلك كفاية بصمة المطار وممكن تقع فى واحد يقولك بصم تانى عادى كله وارد.
4)وانت فى الجوازات سجل فى ابشر عشان تاخد بصمة ابشر للسبابة من جهاز ضخم كده عندهم، وتروح البيت من عاللاب توب بتاعك تكمل التسجيل فى ابشر.
5)الخطوة دي اهم خطوة بدونها هتضيع ومحدش هينقذك: هتاخد اقامتك وجميع الجوازات بتاعة افراد اسرتك (زوجتك والاولاد) وترجع تانى لمنفذ الدخول لعمل حاجة اسمها ربط لارقام الحدود بتاعة اسرتك برقم اقامتك.
طب ليه مربطوش ارقام الحدود دي برقم حدودى وانا معدي اول مرة وخلاص وريحونا؟؟؟؟
عشان مفيش حاجة اسمها ربط ارقام دخول برقم دخول،
الربط بيكون لارقام حدود برقم اقامة وحضرتك وانت معدي اول مرة ماكانش لسة ليك اقامة. 6) الخطوة السادسة انك تروح الجوازات لشباك اسمه الاضافة: الموظف هيعمل اضافة لزوجتك واولادك عليك.
دى حاجة تانية غير الربط.
7) هتروح لشركة تامين يكون فيها تامين عوائل وتعمل تامين صحى لزوجتك واولادك.
وتطلب من موظف شركة التأمين يفعل وينزل التأمين بتاع أسرتك على سستم الجوازات.
وده بيتعمل وانت قاعد فى دقيقة فى مكتب التامين.
8) هتروح عالصرافة تدفع مبلغ الرسوم (الاستقدام) اللي هو 2000 ريال للاسرة كلها.
تحت بند خدمات الاجانب. تسديد رسوم تأشيرة دخول تابعين. بعد ما طبعا تدخل رقم اقامتك وعدد التابعين.
يفضل بنك الرياض لمن لديهم اولاد من مواليد المملكة سابقا. ولو معرفتش تدفع بنفسك المكاتب اللى امام الجوازات هيدفعوا لك وياخد اتعابه 10 او 20 ريال.
9) هتجهز استمارة لكل فرد عليها صورة شخصية لصاحب الاستمارة وصورة من جواز سفره وصورة من اقامتك.
10) للاطفال مواليد المملكة هتزود صورة من شهادة الميلاد لاثبات انهم من مواليد المملكة لان اوراقهم هتقدمها منفصلة عن باقى الاسرة لان مالهومش رسوم استقدام وكل حاجة لهم مجانية.
11) تاخد الاستمارات وترجع لموظف الجوازات لاتمام الاجراءات. ويقولك روح للطابعة تطبع الاقامات فى سلام وامان.
يارب ماتكونش الطابعة خربانه وتضطر تروح لفرع جوازات تانى تطبع اقامات الاسرة الكريمة.
12) الاسرة مش هتظهر فى ابشر فى خانه التابعين الا بعد اصدار الاقامة فعليا يعنى بعد الخطوة رقم 11.
13) اللي مش هيعمل الخطوات دي كده هيدفع 2000 ريال لكل فرد لانهم سيعاملوا على انهم اشخاص منفصلين عنك دخلوا فرادى.
ولو الجوازات اضافتهم لك هيضيفوهم فى بند المكفولين كعمالة منزلية.
1)أول خطوة هتدخلوا من المطار تبصم حضرتك وزوجتك وتتصوروا ودى الصورة اللي هتطلع فى الاقامة المستقبلية
كل فرد فى الاسرة هيتكتب له رقم حدود ( رقم دخول) بجوار ختم الدخول من المطار (اللى هو المنفذ اللي حضرتك دخلت من خلاله المملكة)
2) هتروح شغلك تستلم العمل وكفيلك يعمل لك تأمين صحى ويطلع لك اقامتك.
3) تروح الجوازات تبصم انت وزوجتك وجميع الابناء مهما كان عمرهم وتتصوروا كلكم تاني.
ملحوظة: فيه تعميم ان مفيش بصمة للاطفال تحت سن 15 سنه. معلش امسحها فيا المرة دي............. الغباء له اشكال والوان وانت وحظك خد العيال معاك وبصمهم عشان ممكن تقع فى موظف يوقف الدنيا عشان بصمه وصورة العيال.
طب ما انا يصمت خلاص فى المطار؟؟؟؟ عارفة معلش ممكن يقلك كفاية بصمة المطار وممكن تقع فى واحد يقولك بصم تانى عادى كله وارد.
4)وانت فى الجوازات سجل فى ابشر عشان تاخد بصمة ابشر للسبابة من جهاز ضخم كده عندهم، وتروح البيت من عاللاب توب بتاعك تكمل التسجيل فى ابشر.
5)الخطوة دي اهم خطوة بدونها هتضيع ومحدش هينقذك: هتاخد اقامتك وجميع الجوازات بتاعة افراد اسرتك (زوجتك والاولاد) وترجع تانى لمنفذ الدخول لعمل حاجة اسمها ربط لارقام الحدود بتاعة اسرتك برقم اقامتك.
طب ليه مربطوش ارقام الحدود دي برقم حدودى وانا معدي اول مرة وخلاص وريحونا؟؟؟؟
عشان مفيش حاجة اسمها ربط ارقام دخول برقم دخول،
الربط بيكون لارقام حدود برقم اقامة وحضرتك وانت معدي اول مرة ماكانش لسة ليك اقامة. 6) الخطوة السادسة انك تروح الجوازات لشباك اسمه الاضافة: الموظف هيعمل اضافة لزوجتك واولادك عليك.
دى حاجة تانية غير الربط.
7) هتروح لشركة تامين يكون فيها تامين عوائل وتعمل تامين صحى لزوجتك واولادك.
وتطلب من موظف شركة التأمين يفعل وينزل التأمين بتاع أسرتك على سستم الجوازات.
وده بيتعمل وانت قاعد فى دقيقة فى مكتب التامين.
8) هتروح عالصرافة تدفع مبلغ الرسوم (الاستقدام) اللي هو 2000 ريال للاسرة كلها.
تحت بند خدمات الاجانب. تسديد رسوم تأشيرة دخول تابعين. بعد ما طبعا تدخل رقم اقامتك وعدد التابعين.
يفضل بنك الرياض لمن لديهم اولاد من مواليد المملكة سابقا. ولو معرفتش تدفع بنفسك المكاتب اللى امام الجوازات هيدفعوا لك وياخد اتعابه 10 او 20 ريال.
9) هتجهز استمارة لكل فرد عليها صورة شخصية لصاحب الاستمارة وصورة من جواز سفره وصورة من اقامتك.
10) للاطفال مواليد المملكة هتزود صورة من شهادة الميلاد لاثبات انهم من مواليد المملكة لان اوراقهم هتقدمها منفصلة عن باقى الاسرة لان مالهومش رسوم استقدام وكل حاجة لهم مجانية.
11) تاخد الاستمارات وترجع لموظف الجوازات لاتمام الاجراءات. ويقولك روح للطابعة تطبع الاقامات فى سلام وامان.
يارب ماتكونش الطابعة خربانه وتضطر تروح لفرع جوازات تانى تطبع اقامات الاسرة الكريمة.
12) الاسرة مش هتظهر فى ابشر فى خانه التابعين الا بعد اصدار الاقامة فعليا يعنى بعد الخطوة رقم 11.
13) اللي مش هيعمل الخطوات دي كده هيدفع 2000 ريال لكل فرد لانهم سيعاملوا على انهم اشخاص منفصلين عنك دخلوا فرادى.
ولو الجوازات اضافتهم لك هيضيفوهم فى بند المكفولين كعمالة منزلية.
ليست هناك تعليقات