حساب باسم يوسف على توتير وفيس بوك .. Dr Bassem Youssef اسمي باسم رافت محمد يوسف من مواليد 21 مارس 1974 .خريج كلية الطب عام 1998 حاصل على دكتوراة جراحة القلب و الصدر من جامعة القاهرة و حاليا أنا عضو هيئة التدريس بكلية الطب. سافرت للعمل بأمريكا و أوروبا لمدة سنتين و نصف في أحد شركات الاجهزة الطبية التي تطور تكنولوجيا زراعة القلب و الرئة. رجعت مصر للحصول على الدكتورا ة و بعدين سافرت المانيا للتدريب على جراحات زراعة القلب و الاجهزة المعاونة لعضلة القلب ventricular assist devices . حصلت على زمالة كلية الجراحين البريطانية عام 2006 و رخصة مزاولة المهنة بالولايات المتحدة 2005.
المقدمة دي علشان أقول ان انا بعيد تماما عن الوسط الاعلامي و التمثيلي و أول مرة اكتب حاجة كده و اول مرة أقف قدام كاميرا. احنا صورنا عندنا في البيت و ما كنتش أعرف حتطلع ازاي, و الحقيقة انا ماكنتش ناوي على كده خالص لاني كنت باستعد للسفر للعمل و الاقامة بكليفلاند بامريكا للعمل باحدى المستشفيات هناك. علشان كده أنا باستاذنكم ان انتم تستحملوا شوية .احنا بنجرب و ماكنتش نتوقع ان كتير يتفرجوا علينا. و في الاخر البرنامج ده بتاعكم و أكيد حنحتاج مساعدتكم. اي حاجة شايفين ان ممكن نستخدمها و اي مساعدة على مستوى التقنيات او الافكار. شكرا لكل الناس اللي ساندت و شجعت من غير ما تعرفني اساسا. أحب أشكر عمرو ,خليفة, حلواني ,جبالي و صديق عمري طارق انهم دخلوا نفسهم في مشروع مع واحد مجهول تماما
ايه كمان؟ اه انا بحب العب كورة و كل مرة اخد اصابة مالهاش اي لازمة, شكلي باعجز. و اهوى الجري و السباحة و تسلق الجبال و شغل التريكو
هذا حسب صفحة الدكتور على الفيس بوك .؟؟
ليست هناك تعليقات