- الڤيروس دة بأختصار شديد اول مرة ظهر سنة ١٩٤٧ وتم اكتشافة في غابة اسمها زيكا Zika في أوغندا وكان بيصيب القرود بس لحد ما السنة اللي
فاتت تم اكتشاف حالات بشرية مصابة بيه...
- الڤيروس بيتنقل عن طريق القرص من ناموسة اسمها Aedes aegypti حاملة للڤيروس..
- الڤيروس لحد دلوقتي البلاد المحتملة لظهوره هي البلاد ذات المناخ الدافئ والرطب (احم ..احم .. احم .. مصر .. احم) !!
- الڤيروس بدأ ينتشر انتشار كارثي في امريكا اللاتنية لدرجة ان منظمة الصحة العالمية قالت عليه بينتشر "منفجرآ" في امريكا اللاتينية ولحد دلوقتي تقدر اعداد الاصابات بالملايين و خصوصا في البرازيل والمكسيك..
- الڤيروس اعراضه بسيطة مشابهة لاعراض دور برد بسيط ولكن خطورة الڤيروس الكارثية هو عند اصابة نساء حوامل بيه بيؤدي الي خلل چيني للجنين بيسبب عدم اكتمال نمو رأسه بنسبة ٢٠٪ (حالة مرضية اسمها "microcephaly")..
- لحد دلوقتي مفيش دليل علمي أكيد اذاي الڤيروس دة بيؤدي للتشوه الفظيع دة بس الشواهد بتقول ان البرازيل كل سنة بيتولد فيها ٣ مليون مولود ، فالطبيعي من ال ٣ مليون دول بيبقي فيه حوالي ١٥٠ مولود مصاب بالتشوه الخلقي اللي اسمه "microcephaly" ولكن من ساعة انتشار الڤيروس السنة اللي فاتت فالبرازيل ، البرازيل سجلت ٤٠٠٠ حالة !! يعني بنسبة تضخم فالاصابة بالتشوه الخلقي بين المواليد تقريبا ٤٠٠٠٪ !!...
- بأختصار العالم داخل علي تحديد نسل اجباري !!!...
- النسبة الكارثية طبعا ادت للربط بين الڤيروس والعيب الخلقي وأدت ان منظمة الصحة ترفع حالة الخطر للدرجة ٢ و كل بلاد العالم بدأت ترفع حالة الاستعداد لمواجهة الوباء الكارثي...
- طبعا احنا فكوكب مصر ملناش دعوة احنا ورايا قضايا تانية اهم بكتييييير ، يا راجل ڤيروس ايه وكلام فاضي ايه اللي نتكلم فيه ، الأعلام عندنا عنده قضايا تانية اهم بكتير من الكلام الفاضي دة !!...
- المصيبة ان حضراتكم ذي ما انتم شايفين فالصورة اللي تحت ان مصر متعلم عليها بلون مختلف...
- لحد دلوقتي الڤيروس لسه مدخلش مصر (ودة من ستر ربنا مش اكتر) لأن الخريطة دي موضحة ان مصر المناخ بتاعها حاضن للناموسة المسببة للعدوي يعني مصر من البلاد المحتملة ان الڤيروس ينتشر فيها...
- طبعا مش عايز اقولكم في ظل التقدم المصري العلمي الرهيب وخصوصا في مجالي الصحة والبيئة ، ان لو ناموسة واحدة بس بنت وسخة ولا ليها عازة من الحاملين للمرض قررت انها تعدي علي مصر زيارة كدة هتعمل فينا ايه..
- سؤالي هنا بقي لوزارة الصحة ، ايه اجرائات حضراتكم لمنع دخول المرض مصر ، وفي حالة لا قدر الله الڤيروس دخل ايه اجرائتكم علشان تحدوا من انتشار المرض ، طيب تسمعوا اساسا عن ڤيروس اسمه زيكا !!! ...
- وبالنسبة لوزارة البيئة ممكن نفكنا شوية من تماسيح الهرم وفيصل ونحط خطة لمنع توطن البعوضة دي فمصر !! ...
- وياريت تطلعوا كدة تهزوا طولكم شوية وتقولولنا المستجدات والاجرائات اللي هتتبعوها ولا حسسونا انكم متابعين حتي !!
يارب سترك...
(مصدر الخريطة موقع nytimes والكلام من مصادر مختلفة ولكن اغلبه من موقع منظمة الصحة العالمية w.h.o)
ليست هناك تعليقات