10 أسباب تخليك متركبش blue bus egypt

Share:
11111111
blue bus egypt النهارده هنقل ليكم تجربتي مع شركة
Blue bus Egypt

...

سافرت معاهم الي شرم الشيخ وكانت رحله عاديه عدا الاتي
الباص مكتوب ف التذاكر انه بيقف في مكانين بنزينه وطنيه و الرويسات لما قربنا على شرم سئلت السواق هتقف ف وطنيه الاول ولا الرويسات كان رد

ه لا انا مش بقف غير ف الرويسات ممنوع اقف ف وطنيه وده كلفني عطله و فلوس وتوهان لناس كانوا جايين من بره ونزلوا ف المطار وراحوا استنوني ف وطنيه زي ما كنا متفقين و هما معهمش ارقام حتي عشان اعرف اوصلهم واقولهم مفيش و طنيه و نغير المكان
رحلة الرجوع بقي كان فيها كل الصدمات انا كنت حاجز علي الفئه التانيه من الباصات
اولا الباص اتأخر ساعه عن ميعاد وصوله بحجه انه ف الصيانه بيتعملوا الصيانه الدوريه ولازم يطلع علي اكمل وجه وبعد ما اطلعنا ساعه ف الشارع انتظار جه الباص و المفاجآت الكبيره كانت جوه الباص ف الاتي مع العلم ان كل اللي هحكي ده متوثق صوت وصوره يعني بدليل مش مجرد كلام عشان محدش من الشركه يكدبني
1
كل الوجبات فيها عصير رومان حاجه استغفر الله العظيم يارب ملهاش طعم وكام وجبه تتعد علي الايد اللي فيهم اطعمه تانيه
2
التكييف كان شبه مش شغال لدرجه اني كنت بعرق وانا جوه الباص و موجه التكييف من الفتحتين عليا و طلبت اكتر من مره من السواق يعلي التكييف لكن برضو ولا لي اي لازمه وكل الناس كانوا حاسين نفس الكلام
3
الشاشه اللي هي المفروض حاجه جديده واتمتع بيها طول الطريق مش شغال فيها صوت يعني صوره بس وغير السماعات 100 مره ولا اي صوت خارج منها
4
المخدع اللي ما بين الكرسيين مكسور ومش بيثبت ولما طلبت مساعد السائق يشوف حل كان رده عليا ايه ده هو مكسور وسبني ومشي
5
كل ازايز المايا اللي مع الوجبات اللي اتوزعت علينا بدون مبالغه يتعمل منها شاي من كتر ما هي مولعه ومفيش تلاجه ف الباص مع العلم ان في رحلة الذهاب كان في تلاجه ف الباص
6
رحلة الرجوع شرم للقاهره خدت 10 ساعات بدون مبالغه من الساعه 2 ظهرا للساعه 10 مساء
7
التذاكر مكتوب ف ظهرها ان اي حد يحجز رحلات ذهاب واياب لي خصم والكلام ده مش صحيح بحجه ان ده عرض قديم وانتهى
8
ازاي باصات جديده مكملتش شغل سنة لسه تلحق تخرب بالشكل ده
9
في رحلة الذهاب كان النت موجود بس دايماً بيقطع ف الطريق وده وارد
في رحلة العوده مكنش في شبكه اصلا للواي فاي عشان اعمل بيها كونكت ولما سئلت السواق قالي تعالي جنبي هنا قدام اعمل كونكنت انتم متخيلين ي جماعه ان انا ف باص و الكرسي بتاعي في نص الباص مش شايف الشبكه اللي هعمل بيها كونكت ولما اطلع قدام اعمل كونكت وارجع مكاني الشبكه تفصل
10
منصحش اي حد يدفع فلوس كتير عشان فئه عاليه المفروض يكون فيها كافه عوامل الرفاهيه و الراحه وفى الاخر يضحك عليك و تدفع فلوس علي الفاضي

مع العلم اني بعت كل اللي حصل ده في رساله للصفحة بتاعتهم وشافوها و معبرونيش ولما قولتلهم اني هنزل اللي حصل ف الجروب قالولي هات رقمك وكلمني موظف من الشركه ثبتني و خد رقم الرحله و رقم التذكره وقالي هنراجع الكلام ده و 48 ساعه وهنرد عليك وعدا اكتر من 4 اسابيع ومحدش عبرني و بعتلهم علي الصفحة تاني اني هنزل كل اللي حصل ف الجروب و شافوا الكلام و محدش عبرني برضو وولا هممهم
تعديل
دي لينكات الفيديوهات للناس اللي بتقول اني من شركه منافسه او الناس اللي قالت عني كذاب
1
عدم فعاليه التكييف
https://youtu.be/4OP4CCoKagE
2
المخدع المكسور
https://youtu.be/PsrGpekb38U
3
الشاشه بدون صوت
https://youtu.be/rVK_iMQw75o
4
عدم وجود شبكه واي فاد داخل الباص
https://youtu.be/sF9TAj4OYPw

ليست هناك تعليقات